A Must See Movie # 2 - Pirates of the Caribbean: Dead Man’s Chest
MANDARAMBONG! Humigit-kumulang sa $132M ang hinamig ng piratang si Jack Sparrow (Johnny Depp) sa unang tatlong araw ng pagpapalabas ng Pirates of the Caribbean: Dead Man’s Chest sa North America.
Nagtala ito ng record bilang best debut. Nilampasan nito ang record ng Spider Man (2002) na naka-$114.8M sa unang weekend.
Halos tatlong beses na mas malakas ang Dead Man’s Chest kesa sa Pirates of the Caribbean: The Curse of the Black Pearl ($46.6M ang opening weekend gross noong 2003).
Aba! Sa unang araw pa lamang ay naka-$55.5M na ang sequel noong Biyernes – mas malakas sa unang tatlong araw ng The Curse of the Black Pearl!
Dahil sa $55.5M na siya ay nakuha ng Dead Man’s Chest ang best single-day record, na hawak dati ng Star Wars Episode III: Revenge of the Sith ($50M domestic gross sa isang araw)
Noong Sabado ay naka-$44.7M ang Dead Man’s Chest, kaya ito ang unang pelikula na umabot sa $100M ang domestic gross sa loob lamang ng dalawang araw.
Malinaw na malinaw, tatlong matitinding record ang naitala ng Dead Man’s Chest kesa sa Pirates of the Caribbean: The Curse of the Black Pearl – pinakamalakas na opening weekend gross, pinakamalakas na single-day gross, at pinakamabilis na umabot sa $100M-mark!
***
Ang kampeon ng nakaraang weekend, ang Superman Returns, ay pumangalawa sa takilya.
Humigit-kumulang sa $21.8M ang hinamig ng Superman Returns last weekend, kaya tinatayang $141.7M na ang kinita nito sa dalawang weekend.
Tiyak na aabot sa $200M ang domestic gross ng launching movie ni Brandon Routh.

(courtesy of www.abante-tonite.com)  ¶ 4:13 AM