Hindi Si Sheryl Ang Bida, Kundi Si Sunshine
Si Sunshine Dizon ang bida sa Bakekang. Ipinatawag na ng management ang aktres last week at personal na sinabi sa kanya ang bagong project. Sa labis na tuwa, umiyak ito’t hindi inaasahang pagkakatiwalaan ng malaking proyekto ng istasyon. Nag-text kami sa actress for confirmation, pero ‘di kami sinagot at first time itong ’di sumagot. Kundi last week ng July, first week ng August ang scheduled taping ng Bakekang, kaya baka mapadali ang pagkawala ni Sunshine sa Captain Barbell. Sina Gil Tejada at Khryss Adalia ang magtutulong sa pagdidirek nito at kundi mababago ang line-up, si Wendell Ramos ang makakapareha ni Sunshine. Ang tsika sa amin, kasama si Sheryl Cruz, pero ‘di pa alam ang role. Nabanggit din sina Nadine Samonte at Yasmien Kurdi sa cast, pero wala raw sa dalawa ang gaganap na anak ni Bakekang dahil ibang young star ang napipisil sa nasabing papel, na kukumpirmahin muna namin bago isulat. Hindi na rin daw kasama si Pauleen Luna dahil may iba itong project. Matutuwa si Sunshine sa nabalitaan naming ipinaglaban siya ng mga pumili sa kanya’t alam na makakaya nito ang role, pati ang madadramang eksena. Maganda rin itong follow-up project sa actress after Encantadia.

(Courtesy of journal online)  ¶ 5:18 PM